ខេត្តបាត់ដំបង÷ ខ្មាន់កាំភ្លើង ចេញពីក្លិប បើករថយន្តម៉ាក GS 300 ដកកាំភ្លើងខ្លី បាញ់មនុស្ស ដែលកំពុងអង្គុយ លេង នៅលើបង់ ជាង ១០គ្រាប់ បណ្តាលអោយស្លាប់ម្នាក់ និងរបួស ២នាក់ រួចក៏បើករថយន្ត គេចខ្លួន បាត់ ស្រមោល វេលាម៉ោង ៤និង៣០ នាទីទៀបភ្លឺ ថ្ងៃទី៨ ខែធ្នូ ឆ្នាំ២០២២ លើសួនច្បារ ក្បែរវេទិកាអ៊ុំទូក ស្ថិតក្នុង ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ពេលនេះប៉ូលិសកំណត់មុខសញ្ញាបានហើយ ។
តាមសេចក្ដីរាយការណ៍ថា ជនរងគ្រោះ និងជនដៃដល់ ធ្លាប់ស្គាល់គ្នាស្និទ្ធ និងផឹកស៊ីជាមួយគ្នា ។ ជនរងគ្រោះ ១-ឈ្មោះ រឿន សំរ៉ង ភេទប្រុស អាយុ ៣២ឆ្នាំ នៅភូមិកន្ទូត សង្កាត់ក្ដុលដូនទាវ ក្រុងបាត់ដំបង ត្រូវរបួសចំនួន ០២គ្រាប់ ស្លា.ប់ពេលបញ្ជូន ដល់មន្ទីរពេទ្យ ។
២-ឈ្មោះ ស ដារ៉ូ ប្រុសអាយុ៣២ឆ្នាំ នៅភូមិព្រែកឆ្ដោរ ឃុំពាមឯក ស្រុកឯកភ្នំ របួសស្រាល ។
៣-ឈ្មោះ តឹ បញ្ញា ប្រុសអាយុ២៧ឆ្នាំ នៅភូមិព្រែកមហាទេព សង្កាត់ស្វាយប៉ោ ក្រុងបាត់ដំបង របួស ស្រាល ។
ប្រភពថា នៅក្នុងរថយន្តបង្កមានមនុស្ស៣នាក់ ចេញមកក្រៅ២នាក់ នៅក្នុងរថយន្តម្នាក់ ។ ពួកគេទាំងពីរបានធ្វើការបាញ់រះយ៉ាងសន្ធាប់ទៅអ្នកអង្គុយលើបង់ហើយបានបើករថយន្តចេញបាត់។ បើទោះជាដូច្នេះក៏ដោយ ប៉ូលិសថា គេបានស្គាល់អត្តសញ្ញាណជនដៃដល់ទាំងពីរនាក់នោះហើយ ៕
